Baseli ka fituar me përmbysje 2-1 ndaj Zurichut në ndeshjen e xhiros së 23-të të kampionatit elitar të futbollit zviceran, të luajtur të dielën mbrëma në shtëpi.
Zurihu kaloi në epërsi në minutën 16 me golin e Ilan Sauterit, por mbeti në avantazh deri në minutën 90. Atëherë, Xherdan Shaqiri realizoi penalltinë për 1-1. Në minutën 90+6, Ibrahim Salah shënoi golin vendimtar pas asistimit të Bacanin, duke i siguruar Baselit tri pikët pas tre humbjeve radhazi.
Për Baselin, përveç Shaqirit që luajti tërë ndeshjen, titullar ishte edhe mesfushori Dion Kacurri, i cili u largua në minutën 63 për shkak të lëndimit. Te Zurihu, paraqitje të plota zhvilluan Bledian Krasniqi dhe Lindrit Kamberi.
Pas kësaj fitoreje, Baseli renditet i 4-ti me 39 pikë, ndërsa Zurihu zë vendin e 9-të me 25 pikë. Ndeshja shënoi fitoren e parë të Baselit nën drejtimin e trajnerit të ri Stephan Lichtsteiner.