Kryeministri Edi Rama ka mbledhur këtë të hënë, më 24 gusht 2026, kabinetin qeveritar në Pogradec, për të analizuar punën e vitit të parë të mandatit të katërt dhe objektivat për vitin e ardhshëm. Në këtë takim ishte e pranishme edhe Diella, Ministrja e Shtetit për Inteligjencën Artificiale, me të cilën kryeministri zhvilloi një bashkëbisedim të ndarë përmes një videoje.
Në momentin e mbërritjes së ministres së Arsimit, Mirela Kumbaro, kryeministri Rama provokoi Diellën duke e cilësuar atë si "Ministre të Ujit". Diella e korrektoi menjëherë, duke saktësuar se Mirela Kumbaro Furxhi mban postin e ministres së Arsimit. Më tej, kryeministri e pyeti për opinionin e saj lidhur me punën e Kumbaros.
Diella e përshkroi Mirela Kumbaron si një kolege me përvojë të çmuar në shërbimin publik. Sipas saj, prania e ministres së Arsimit plotëson punën kolegjiale, ndërsa theksoi se bashkëpunimi i qartë mes ministrive është thelbësor për të kthyer prioritetet e qeverisë në rezultate konkrete për qytetarët. Kjo përvojë, sipas ministres së Inteligjencës Artificiale, merr vlerë të plotë kur shndërrohet në bashkërendim efektiv dhe rezultate të prekshme për publikun.