Alessandro Bastoni, qendërmbrojtësi 26-vjeçar i Interit, dëshiron ta lidhë të ardhmen e tij me klubin zikaltër deri në vitin 2030. Bisedimet për zgjatjen e kontratës kanë avancuar ditët e fundit, sipas mediave italiane.
Gjatë verës së kaluar, Bastoni ishte në radarët e Barcelonës dhe Manchester United-it, por nuk është tunduar nga ofertat e tyre. Ai preferon të vazhdojë karrierën në Milano dhe të bëhet figurë kyçe në skuadrën zikaltër.
Drejtuesit e Interit synojnë ta sigurojnë lojtarin para hapjes së merkatos verore, duke e konsideruar atë element të rëndësishëm të projektit teknik të trajnerit Cristian Chivu. Rinovimi do ta vendosë Bastonin në qendër të planit afatgjatë, duke shmangur çdo mundësi ankandi.