Sipas një analize të BBC Verify, bazuar në imazhe satelitore dhe materiale të verifikuara, shkalla e operacioneve ushtarake të Iranit kundër interesave amerikane në Lindjen e Mesme dhe Gjirin Persik është më e gjerë nga sa është pranuar zyrtarisht. Raporti tregon se sulmet janë shtrirë në tetë vende të rajonit, përfshirë Arabinë Saudite, Emiratet e Bashkuara Arabe, Katarin, Kuvajtin, Jordaninë dhe Bahreinin.
Mes objekteve të dëmtuara janë raportuar sisteme të avancuara të mbrojtjes ajrore, radarë, pajisje komunikimi ushtarake dhe avionë furnizimi me karburant. Analiza gjithashtu evidenton shkatërrimin ose dëmtimin e një numri mjetesh ajrore, duke përfshirë dronë dhe avionë luftarakë.
Lideri suprem i Iranit, Ali Khamenei, ka deklaruar se prania ushtarake e SHBA-së në rajon është dobësuar. Nga ana tjetër, një zyrtar i mbrojtjes së Shteteve të Bashkuara ka refuzuar t'i komentojë këto gjetje, duke iu referuar arsyeve të sigurisë operacionale. Ekspertët paralajmërojnë se nëse armëpushimi dështon, bazat amerikane mund të përballen me vështirësi shtesë për shkak të reduktimit të rezervave të sistemeve mbrojtëse ajrore.