Ditë më parë, kryetari i LDK-së, Lumir Abdixhiku, në një intervistë televizive, ka përdorur shprehjen "mercenarë" për gazetarët dhe mediat, duke thënë se ata pasurohen nga shpifjet.
Lidhur me këto deklarata, Bashkimi Evropian ka dhënë një përgjigje për Gazetën Express. Një zëdhënëse e Komisionit Evropian ka theksuar se politikanët kanë përgjegjësi të promovojnë një mjedis të sigurt dhe të favorshëm për gazetarët.
Në deklaratën e plotë, ajo ka thënë: "Liria e shprehjes dhe liria e medias janë elementë thelbësorë të shoqërive demokratike dhe të drejtave themelore, siç parashikohen nga acquis e BE-së dhe standardet ndërkombëtare. Autoritetet publike dhe aktorët politikë kanë një përgjegjësi të veçantë për të promovuar një mjedis të sigurt dhe të favorshëm për gazetarët dhe praktikuesit e medias dhe për të kontribuar në një diskurs publik të respektueshëm. BE-ja u bën thirrje të gjithë aktorëve politikë të angazhohen në mënyrë konstruktive me median."
Gjithashtu, OSBE-ja ka reaguar, duke thënë se akuzat e pabazuara mund të rrezikojnë gazetarët.