Kryetari i Partisë Demokratike, Sali Berisha, deklaroi se Policia e Shtetit përdori lëndë piroteknike dhe gaz lotsjellës ndaj gazetarëve, operatorëve dhe një protestuesi me aftësi të kufizuara gjatë protestës së opozitës.
Ai përmendi rastin e operatorit të News 24, Aldo Kashri, i cili u dëmtua nga flakët e molotovëve, duke thënë se mjeti piroteknik u hodh nga policia. "Ndaj një operatori të News 24 u hodh mjet piroteknik në drejtim të tij nga ana e policisë", u shpreh Berisha.
Sipas tij, gazetarët u sulmuan me sasi të mëdha gazi lotsjellës për të penguar punën e tyre. Ai përmendi gazetarin Arjan Hasimi, i cili mbeti i asfiksuar, dhe një protestues me aftësi të kufizuara, të cilit i hoqën karrocën dhe e tërhoqën zvarrë.
Berisha raportoi se policia ndaloi 25 persona, nga të cilët 17-të morën masën e arrestit pa asnjë provë. "Thjeshtë i kapën për numër", tha ai.
Mes të ndaluarve përmenden:
- Juel Korbi, 17 vjeç
- Rei Bogdani, 16 vjeç
- Orest Halilaj, 17 vjeç
- Kreshnik Kastrati, 16 vjeç
- Zeni Guri, 16 vjeç
- Arturo Kadria, 19 vjeç
- Sadri Peka, 17 vjeç
- Kreshnik Çeço, 36 vjeç
- Suzana Dinushi, 48 vjeç
- Klodiana Bajrami, 24 vjeç
- Leonid Tusha, 21 vjeç
- Gjesti Velçanaku, 19 vjeç
- Klajdi Subashi, 26 vjeç