Sali Berisha, kryetar i Partisë Demokratike, në një konferencë për shtyp në selinë e partisë, akuzoi kryeministrin Edi Rama për përfshirje në dosjet e ish-zv.kryeministres Belinda Balluku.
Sipas Berishës, në çdo dosje të Ballukut, Edi Rama është hajduti i parë dhe urdhërdhënës. Ai deklaroi se Agasi i AKSHI-t është Rama, ndërsa Mirlinda e AKSHI-t është Linda Rama, bashkëshortja e kryeministrit, e përfshirë pas afera me tenderat e Agjencisë Kombëtare të Shoqërisë së Informacionit (AKSHI). Po ashtu, Armand Frangu cilësohet si strumbullari i pengmarrjeve për paratë e familjes Rama.
Berisha u ndal edhe te përpjekja e Edi Ramës dhe presidentit serb Aleksandar Vuçiç për anëtarësimin e Shqipërisë në Bashkimin Evropian pa të drejtë votë. Ai e cilësoi si përpjekje për të cilën ata janë të gatshëm të sakrifikojnë dinjitetin kombëtar për pushtet. "Nuk ekziston kuadër ligjor. Edhe nëse do të ekzistonte, Rama mendon se me drejtësinë e kontrolluar prej tij mund të pranonte anëtarësimin si vend i dorës së dytë", tha Berisha.