Kryetari i Partise Demokratike, Sali Berisha, ka ngritur akuza te renda ndaj kryeministrit Edi Rama, duke pretenduar se ky i fundit ka bllokuar udhetimin e Presidentit Bajram Begaj drejt Ankarase. Sipas deklaratave te publikuara, Begaj ishte caktuar si kryetar i delegacionit shqiptar per Samitin e NATO-s, ndersa kryeministri Rama ishte renditur si anetar i delegacionit.
Bazuar ne informacionet e referuara nga Berisha permes te ashtuquajturit "diplomat dixhital", protokolli i samitit percaktonte qe Presidenti do te perfaqesonte Shqiperine ne tryezen e bisedimeve dhe ne fotografine zyrtare te liderve. Berisha deklaroi se Rama ka penguar udhetimin e kreut te shtetit, si ne avionin e prenotuar nga delegacioni, ashtu edhe ne linjat tregtare, duke u nisur drejt Turqise i shoqeruar vetem nga bashkeshortja e tij.
Sipas te njejtave burime, tensionet dyshohet se kane nisur pas dorezimit te fteses nga ambasadori turk ne Tirane. Pretendohet se, pas komunikimit fillestar ku protokolli parashikonte Begajn si kryetar, kryeministri Rama ka thirrur ambasadorin turk per te kerkuar ndryshimin e perfaqesimit. Berisha e ka cilesuar kete ngjarje si nje akt antikushtetues dhe shkelje te procedurave diplomatike.