Sali Berisha, kreu i Partisë Demokratike, mbajti sot fjalën në foltoren para Kryeministrisë në Tiranë. Ai ironizoi kryeministrin Edi Rama për takimet e fundit me asambletë e Partisë Socialiste në njësitë e Tiranës, duke thënë se Rama shmang përballjen me qytetarët.
Berisha deklaroi se integrimi në Bashkimin Evropian mbetet një horizont i pakapshëm nën drejtimin e Ramës. Sipas tij, dy javë më parë 4 vende kishin bllokuar votimin e raportit IBAR, tani numri ka arritur 9 vende, dhe pas dy javësh pritet të jetë 15 vende. Ai shtoi se sa më shumë të njohë Evropa dhe bota Ramën, aq më shumë vende do ta kundërshtojnë atë.
Ai theksoi se dera e integrimit është e mbyllur për Ramen, Belinda Ballukun dhe "Lindat e AKSHI-t të Surrelit", por jo për qytetarët shqiptarë. Berisha akuzoi qeverinë se bllokon, vjedh dhe largon të rinjtë nga Shqipëria, duke e bërë Tiranën të pajetueshme për ta.
Ndërsa ftoi qytetarët të bashkohen në protestën e 17 prillit, Berisha e cilësoi atë si kryengritje paqësore dhe leksion për qeverinë. Ai premtoi vazhdim të betejës për çeljen e rrugës së integrimit në BE.