Sali Berisha, kryetar i Partisë Demokratike, komentoi në mbledhjen e grupit parlamentar të PD-së vizitën e kryeministrit Edi Rama në Bordin e Paqes në Uashington për çështjen e Gazës.
Berisha deklaroi se ftesa i drejtohet Shqipërisë si anëtare e këtij bordi, i themeluar nga z. Donald Trump, dhe jo Ramës personalisht. Ai shtoi se Shqipërinë mund ta përfaqësonte Rama ose presidenti Beqaj, të cilin e quajti me nofkën Harami.
Gjatë fjalimit, Berisha akuzoi Ramën për urdhra të dhëna për plumbat mbi demonstruesit. «Plumbat mbi demonstruesit janë me urdhër të tij. Të qëllosh në ballë, në kafkë, pas, ke vetëm një qëllim, t’i lësh të vrarë në vend. Nuk ka forcë në botë që të shpëton ty. Ishte e lehtë ajo që thashë; je lopë e çmendur, por je një armik i urryer i Shqipërisë», tha ai.
Berisha theksoi se Rama niset sot për në Uashington dhe do ta përdorë vizitën për propagandë. «Do të shkonte ky apo Harami, s’ka rëndësi. A i shkon hajdut dhe kthehet i tillë. Ftesa ka si qëllim Shqipërinë dhe jo personin e shpërfytyruar», deklaroi kryedemokrati.