Sali Berisha, kryetari i Partisë Demokratike, foli gjatë dëgjesave të Foltores së PD në Laprakë më 17 janar 2026. Një qytetare pjesëmarrëse ngriti shqetësimin për ligjin e barazisë gjinore, të cilin Berisha e cilësoi si rrezik për familjen tradicionale.
Berisha i dha të drejtë qytetares dhe theksoi se Partia Demokratike ka qenë kundër këtij ligji që në miratim. Ai premtoi se shfuqizimi i tij do të jetë veprimi i parë i opozitës sapo të vijë në pushtet.
"Ligji i parë që do rrëzojmë është ai për barazinë gjinore. Këta duan të shuajnë familjen", deklaroi ai. Sipas tij, ligji synon shkatërrimin e familjes tradicionale dhe e krahasoi me ideologji ekstreme, duke thënë se është "më keq se teoria e Karl Marksit" dhe synon ta zhdukë fare familjen.
Berisha u shpreh se opozita do ta çojë ligjin në Gjykatën Kushtetuese, edhe pse nuk pret vendim pozitiv. Ai propozoi gjithashtu zhvillimin e një referendumi kombëtar për ta shfuqizuar.
"Do e çojmë edhe në Gjykatën Kushtetuese, edhe pse e dimë se ata nuk do e pranojnë. Por ju them se do kërkojmë edhe referendum për të. Nuk e pranojmë", u shpreh Berisha.
Në të njëjtin takim, Berisha u ndal edhe në kontekstin e opozitës, duke thënë se hyn në vitin e 13-të të përballjes me qeverinë, të cilën e akuzoi për tkurrje të popullsisë në dekadën e fundit.
Përditësime
Sali Berisha deklaroi: "Këta duan ta zhdukin fare familjen tradicionale. Por ne nuk do ta lejojmë dhe sapo të vijmë në pushtet do ta shfuqizojmë këtë ligj."
Ligji për barazinë gjinore shihet nga mazhoranca si hap drejt standardeve evropiane, ndërsa nga opozita si kërcënim për vlerat familjare tradicionale.