Sali Berisha, kreu i PD, i ftuar në emisionin “Opinion” të Tv Klan-it më 22 janar, u pyet për lajmet në opinionin publik se Edi Rama do merret me helikopter nga SHBA, njësoj si Maduro, të shpërndara nga kampi opozitar.
Berisha mohoi kategorikisht ta ketë thënë këtë frazë. Ai e cilësoi si teknikë të ulët morale të marrëdhënieve publike të Ramës, duke thënë se këto mashtrime i përhap vetë kryeministri. "Jo, nuk e kam thënë kurrë. Të gjitha këto i nxjerr vetë ai."
Sipas tij, Rama nuk do rrëzohet nga amerikanët, drejtësia apo SPAK, por nga populli shqiptar, opozita dhe qytetarët. Ai theksoi se këto teknika i kthehen boomerang krijuesve të tyre, siç ndodhi me laburistët.
Berisha komentoi edhe votën në parlament për Bordin e Paqes. "Ne nuk votuam Edi Ramën. Nuk bëjmë kompromis me sigurinë kombëtare. Armiku numër një i shqiptarëve është Edi Rama."
Ai përmendi se Rama ishte gati për të shkuar në Davos, kishte darkuar me zonjën Kushner dhe do të merrte avionin brenda një ore e gjysmë. Megjithatë, nuk shkoi. Berisha beson se Trump nuk donte praninë e Ramës atje.