Sali Berisha, kreu i Partisë Demokratike, deklaroi në bashkëbisedim me qytetarët në rrjetet sociale se protesta e opozitës së sotme, më 28 shkurt 2026 në orën 18:00 para Kryeministrisë, do të ketë revoltë.
Ai u përgjigj pyetjes së qytetarit Elion Kaja, i cili pyeti për rezistencën sonte dhe gatishmërinë e shqiptarëve për përballje. Berisha tha: "Sigurisht që do ketë revoltë. Kryengritja jonë paqësore do njohë dimensione të reja dhe është pandalshme gjer në largimin përfundimtar të Edi Ramës.
Dhe ju e patë se si në fjalën e tij tejkaloi edhe kohëzgjatjen e fjalimeve të Gedafit dhe Fidel Kastros në OKB. Por në fakt, në qoftë se e rikthen pak, kishin përpara shqiptarët një kufomë politike të pakallur. Kështu që ne do ta kallim atë dhe do i japim vendin që meriton."
Berisha akuzoi gjithashtu Edi Ramën se ka forcuar lidhjet me bandat dhe ka shndërruar qeverinë në organizatë kriminale. Ai ftoi "çdo socialist të ndershëm që ka idealet e tij" të bashkohet për ta hequr këtë të keqe, të cilën e krahasoi me periudhën pas Enver Hoxhës.