Besimtarët myslimanë në mbarë botën festojnë Natën e Kadrit, një nga momentet më të rëndësishme shpirtërore të muajit të Ramazanit. Kjo natë shënon shpalljen e parë të ajeteve të Kur'anit Profetit Muhamed nga meleku Xhebrail dhe konsiderohet më e vlefshme se 1000 muaj, sipas traditës islame.
Nata e Kadrit nuk ka datë të saktë të përcaktuar dhe besohet se bie në një nga netët teke të 10 netëve të fundit të Ramazanit: 21, 23, 25, 27 ose 29. Shumë dijetarë e identifikojnë natën e 27 si më të mundshmen. Për vitin 2026, kjo përkon me mbrëmjen e 15 marsit deri në agimin e 16 marsit, ndërsa nata e 29 bie në 17 mars. Për shkak të kësaj fshehtësi, besimtarët inkurajohen të shtojnë adhurimet gjatë gjithë periudhës.
Gjatë kësaj nate, myslimanët falin namaz, lexojnë Kur'anin, bëjnë lutje dhe kërkojnë falje për mëkatet. Besohet se lutjet kanë vlerë të veçantë, engjëjt zbresin në tokë dhe mbretëron paqja deri në agim. Xhamitë mbushen me besimtarë, ndërsa atmosfera shpirtërore nxitet nga përkushtimi dhe reflektimi mbi jetën dhe besimin.
Fshehtësia e Natës së Kadrit shihet si urtësi për të motivuar adhurim të vazhdueshëm gjatë të gjithë Ramazanit, duke shmangur përqendrimin vetëm në një natë. Kjo festë thekson rëndësinë e përulësisë, veprave të mira dhe lidhjes me Zotin në jetën e përditshme.
Përditësime
Sot u vërejtën shenjat e Natës së Kadrit: dielli lindi pa rreze ose i kuq, shi i lehtë, erë dhe natë e hapur.
- Zbritja e Kur'anit filloi në shpellën Hira me suren Alak.
- Një numër i madh besimtarësh po agjërojnë ditën e Kadrit.
- Besimtarë u mblodhën në xhaminë Namazgjasë në Tiranë për lutje dhe solidaritet.
Kryeministri Edi Rama postoi në rrjetet sociale citatin nga Kur'ani për Natën e Kadrit: “E ç’të bëri ty të dish se ç’është Nata e Kadrit? Nata e Kadrit është më e mirë se 1000 muaj". Postimi nënkupton se sot është kjo natë.