Bordi i Transparencës zhvilloi mbledhjen më 7 maj 2026, ku caktoi çmimet e reja tavan për karburantet.
Sipas vendimit, çmimi i shitjes me pakicë i gazoilit të standardit SSH EN 590 nuk do të kalojë 196 lekë/litër, ndërsa ai me shumicë 184 lekë/litër. Për benzinën e standardit SSH EN, çmimi me pakicë është 180 lekë/litër, ndërsa me shumicë 168 lekë/litër.
Çmimet hyjnë në fuqi më 7 maj 2026, pas orës 12:00, dhe mbeten të vlefshme deri në mbledhjen e ardhshme të bordit, ku do të reflektohen ndryshimet në treg.
Bordi kërkon nga operatorët e shitjes me shumicë dhe pakicë të zbatojnë vendimin. Në rast shkeljesh, parashikohet pezullimi i aktivitetit.
Angazhimi i ministrive
Ministria e Ekonomisë dhe Inovacionit, bashkë me Ministrinë e Financave dhe Ministrinë e Infrastrukturës dhe Energjisë, janë angazhuar të mbrojnë interesat e konsumatorëve dhe konkurrencën e ndershme në treg.
Sqarimi për akcizën
Çmimet e reja janë nën kufijtë e Aktit Normativ nr. 1, datë 3 prill 2026, që parashikon akcizë të reduktuar 80% kur gazoili kalon 220 lekë/litër ose benzina 200 lekë/litër. Për rrjedhojë, zbatohet akciza e plotë 100%.
Përditësime
Bordi i Transparencës uli çmimet e karburanteve.
- Naftën me 10 lekë/litër krahasuar me vendimin e fundit.
- Benzinën me 4 lekë/litër krahasuar me vendimin e fundit.
Bordi i Transparencës vendosi çmime të reja të karburanteve më 8 maj 2026:
- Me pakicë: gazoil ≤193 lekë/l (-3 lekë/l), benzinë ≤179 lekë/l (-1 lekë/l)
- Me shumicë: gazoil ≤181 lekë/l, benzinë ≤167 lekë/l
Hyn në fuqi në ora 13:30 të së njëjtës dite.
Sipas Monitor.al, arsyeja është rënia e çmimeve në bursa dhe shpresat për marrëveshje me Iranin.