Kryeministri britanik Keir Starmer ka njoftuar përmes një video-mesazhi në rrjetet sociale se Mbretëria e Bashkuar nuk është e përfshirë drejtpërdrejt në sulmet e vazhdueshme të SHBA-së dhe Izraelit ndaj Iranit. Ai bëri të ditur se Londra ka pranuar kërkesën e SHBA-së për të përdorur bazat ushtarake britanike për një qëllim specifik dhe të kufizuar mbrojtës.
Starmer shpjegoi se partnerët në Gjirin Persik kanë kërkuar ndihmë shtesë për mbrojtje dhe se detyra e tij është të ruajë jetët e shtetasve britanikë. Ai theksoi se avionë luftarakë britanikë janë në ajër si pjesë e operacioneve të koordinuara mbrojtëse, të cilat kanë interceptuar me sukses sulmet iraniane.
Sipas tij, e vetmja mënyrë për të ndaluar kërcënimin është shkatërrimi i raketave në burim, në depot e magazinimit ose në lëshues. Kërkesa e SHBA-së lidhet pikërisht me këtë synim mbrojtës. Vendimi synon të parandalojë lëshimin e raketave iraniane në rajon, duke mbrojtur civilët e pafajshëm, jetën e britanikëve dhe vendet e pa përfshira.
Starmer nuk përmendi bazat specifike. Ai ritheksoi se Britania e Madhe nuk do t’i bashkohet veprimeve ofensive, por mbështet vetëmbrojtjen kolektive të aleatëve në Lindjen e Mesme.
Përditësime
Qeveria britanike specifikoi bazat e autorizuara: RAF Fairford në Gloucestershire dhe Diego Garcia.
Zhvillime të tjera:
- Sulm me dron në bazën Akrotiri të Qipros: dëme minimale, pa viktima. Hetimet vazhdojnë.
- Donald Trump deklaroi se vonesa "zgjati shumë" dhe shprehu shqetësim për ligjshmërinë.
- Britania po nxjerr mësimet nga "gabimet e Irakut".
- Akuzë ndaj Iranit për "strategji të tokës së djegur".
- Qeveria britanike publikoi këshillën ligjore.
Donald Trump deklaroi në intervistë me Telegraph se "kjo ndoshta nuk ka ndodhur kurrë më parë midis vendeve tona".
Për Keir Starmer, ai tha: "Duket sikur ai ishte i shqetësuar për ligjshmërinë".
Sulmi në Akrotiri ndodhi rreth mesnatës.