Deputeti i Aleancës, Burim Ramadani, është deklaruar në lidhje me thirrjen e seancës për konstituimin e Kuvendit. Ramadani deklaroi se dita e sotme do të qartësojë nëse do të krijohet një rast i ri për Gjykatën Kushtetuese apo nëse zhvillimet janë vijimësi e lojës së Lëvizjes Vetëvendosje me shtetin.
Në qëndrimin e tij, Ramadani theksoi se partia e tij mbetet parimore, duke shtuar se "Kushtetuta është mbi kalkulimet partiake". Përtej këtij qëndrimi, Aleanca ka konfirmuar zyrtarisht se nuk do të marrë pjesë në punimet e seancës së sotme, e cila vjen pas një periudhe njëmujore nga thirrja e saj e mëparshme.