Ky artikull është përditësuar. Shiko përditësimet
Eugen Cakolli nga Demokracia në Veprim ka folur për mundësinë e zgjedhjeve të parakohshme në Kosovë, nëse nuk zgjidhet presidenti.
Deklarata u bë në emisionin “DPT te Fidani”. Ai theksoi se, sipas afatit ligjor, presidenti duhet të zgjidhet më së voni deri më 5 mars në mesnatë. Nëse kjo nuk ndodh, vendi do të shkojë në zgjedhje të reja.
Cakolli shprehu bindjen se ka gjasa reale që Vjosa Osmani të sigurojë votat e nevojshme për t’u zgjedhur presidente. Kjo mund të arrihet përmes bashkëpunimit me akterë brenda Lidhjes Demokratike të Kosovës (LDK) dhe, eventualisht, me ndihmën e ndonjë deputeti individual.
Sipas tij, “më së voni presidenti do të duhet të zgjidhet deri më 5 mars; nëse nuk ka president të zgjedhur deri më 5 mars në mesnatë, vendi shkon në zgjedhje të parakohshme”.
Përditësim
Sipas analistit Cakolli, Albin Kurti nuk është i gatshëm të formojë koalicion për zgjedhjen e presidentit, duke rritur gjasat për zgjedhje të reja. Nëse do të ketë zgjedhje, ato mund të mbahen rreth 1-20 prillit. Presioni kryesor për votat e Vjosa Osmanit do të bie mbi LDK-në. LVV pritet të ketë 57 deputetë, plus 11 nga komunitetet jo-shumicë dhe 1 jo-serb, duke arritur 68 vota, por zakonisht nuk mbështeten nga një deputet i vetëm. Kurtit nuk i pengon dështimi i zgjedhjes së presidentit, pasi ka tre mandate.