Stadiumi i rinovuar Camp Nou i Barcelonës është kthyer në kandidatin kryesor për të organizuar finalen e Ligës së Kampionëve për vitin 2029. Ky projekt gëzon mbështetjen e autoriteteve lokale, duke përfshirë Komunën e Barcelonës, Qeverinë e Katalonjës, Qeverinë e Spanjës dhe Federatën Spanjolle të Futbollit (RFEF).
Avantazhi kryesor i këtij stadiumi është kapaciteti i tij i madh, i cili pas përfundimit të punimeve pritet të jetë midis 104,600 dhe 105,000 spektatorësh, duke përfshirë edhe hapësira të shtuara për 9,400 ulëse VIP. Kjo shifër do ta bënte atë një nga impiantet më të mëdha në Evropë, duke lehtësuar ndarjen e biletave për tifozët. UEFA ka monitoruar në vazhdimësi ecurinë e punimeve dhe nuk i konsideron ato pengesë për kandidaturën.
Komiteti Ekzekutiv i UEFA-s do të marrë vendimin zyrtar më 15 shtator në Selanik, ku do të përcaktohen gjithashtu stadiumet për finalet e tjera të ardhshme. Ndërkohë, për vitin 2028, raportohet se Allianz Arena në Mynih është kandidati i vetëm. Nëse Camp Nou përzgjidhet për edicionin e vitit 2029, do të jetë rikthimi i një finaleje të Ligës së Kampionëve në këtë stadium pas atyre të viteve 1989 dhe 1999.