Klubi londinez i Chelseat ka shfaqur interesim serioz për mesfushorin e Real Madridit, Arda Güler, duke planifikuar një ofertë prej 100 milionë funtesh. Ky interesim vjen si kërkesë e trajnerit Xabi Alonso, i cili e konsideron lojtarin turk një objektiv prioritar për të përforcuar skuadrën në sezonin e ardhshëm.
Megjithatë, drejtuesit e Real Madridit kanë mbajtur një qëndrim të prerë lidhur me të ardhmen e Gülerit. Klubi spanjoll e sheh 21-vjeçarin si pjesë kyçe të projektit të tyre afatgjatë dhe nuk ka ndërmend ta largojë atë nga stadiumi Santiago Bernabéu gjatë kësaj merkatoje. Nga ana e tij, vetë lojtari ka shprehur prioritetin për të qëndruar në Madrid, me synimin për të siguruar më shumë hapësira aktivizimi.
Përveç Chelseat, situatën e talentit turk po e monitorojnë nga afër edhe klubet e tjera të Premier League, si Arsenal dhe Liverpool, të cilat mbeten në pritje të zhvillimeve të mundshme. Pavarësisht vëmendjes së shtuar, pozicioni i klubit madrilen mbetet i qartë: lojtari nuk është në shitje.