Vlora Çitaku, nënkryetare dhe deputete e Partisë Demokratike të Kosovës (PDK), ka reaguar në rrjete sociale ndaj kryeministrit Albin Kurti më 24 prill 2026.
Në postimin e saj, ajo shkruan: «Kryeministër, qetësohu. Përkundër kapjes së institucioneve, Kosova fatmirësisht nuk është vetëm e jotja. Si do t’ia shpjegosh popullit që t’i dhanë 51% të votave se nuk dëshiron e nuk din të qeverisësh?».
Çitaku shton: «Këtë e di ti, mirëpo çfarë di unë është se ti do ta marrësh përgjigjen e merituar nga ta. Prandaj, lutja ime është krejt e sinqertë: ose qeveris, bashkëpuno e jepi drejtim Kosovës, ose lësho rrugë e lëri më ankesat, krizat e lojërat fëmijërore në kurriz të qytetarëve».
Ajo e cilëson Kurtin sfidë politike, jo armik: «Ti nuk je armiku ynë. Ti je vetëm një sfidë që, në ditën kur nuk do të jesh në drejtimin e vendit, për shtetin dhe qytetarët do të bëhet shumë më mirë. Shihemi në zgjedhje, aty ku ky popull i abuzuar politikisht nga ti për shumë vjet, do të flasë me votë. I paaftë!».
Reagimi vjen pas adresimit të Kurtit për çështjen e presidentit, ku ai la të kuptohej se po përpiqet i vetëm për zgjidhje, me katër ditë afat të mbetura.
Përditësime
Çitaku reagoi ndaj letrës së Kryeministrit Albin Kurti, ku ky njoftonte mungesën e marrëveshjes me opozitën për zgjedhjen e Presidentit dhe i fajësonte drejtpërdrejt partitë opozitare.