Ministria e Industrisë, Ndërmarrësisë dhe Tregtisë ka publikuar çmimet maksimale të derivateve që do të zbatohen sot dhe nesër në tregun e Kosovës.
Sipas njoftimit të ministrisë, çmimi i naftës mbetet i pandryshuar në 1.61 euro për litër. Benzina do të kushtojë 1.52 euro për litër, ndërsa gazi është caktuar në 0.76 euro për litër.
Këto çmime kanë hyrë në fuqi nga ora 10:00. Çmimi më i ulët i naftës që nga rritja pas shpërthimit të luftës në Lindjen e Mesme ka qenë 1.59 euro për litër më 13 dhe 14 maj.