Cristian Romero, kapiteni i Tottenham-it, pritet të largohet nga klubi londinez verën e ardhshme. Lajmin e ka dhënë gazetari argjentinas Gaston Edul.
Sipas tij, Romero ka shprehur pakënaqësi ndaj drejtuesve të klubit dhe është i vendosur për një aventurë të re. Një klub i La Ligas ka treguar interes gjatë afatit të kaluar të transferimeve dhe ishte afër ofertës zyrtare, por marrëveshja nuk u realizua. Burime të tjera përmendin interes nga Barcelona dhe Real Madridi, si dhe nga klube të ligave të tjera.
Romero u bashkua me Tottenham-in si huazim nga Atalanta në verën e 2021-s, ndërsa klubi anglez e bleu një vit më vonë. Që nga atëherë, ai ka luajtur 151 ndeshje për Spurs, duke shënuar 13 gola.
Në sezonin aktual, argjentinasi ka bërë 27 paraqitje në të gjitha garat, me 6 gola – shifër rekord personale në karrierë – dhe 4 asiste.