Cristiano Ronaldo Jr., djali i futbollistit Cristiano Ronaldo, ka tërhequr interesin e disa klubeve të mëdha europiane falë paraqitjeve me ekipet e moshave të Al Nassr. Sipas gazetës britanike The Sun, 16-vjeçari, i lindur në 2010, konsiderohet talent premtues dhe fitoi së fundmi Kupën e Botës U-17 në muajin nëntor.
Klubet në garë përfshijnë ato ku ka luajtur babai i tij: Sporting, Manchester United, Real Madrid dhe Juventus. Gjithashtu, interes kanë shfaqur PSG dhe Bayern Munich. Në Itali, përveç Juventus, situatën po monitorojnë Inter dhe Atalanta.
Familja Ronaldo nuk është plotësisht e bindur për një transferim të menjëhershëm në Europë. Arsyeja kryesore është presioni i madh dhe krahasimet e vazhdueshme me të atin, që mund të ndikojnë në zhvillimin e tij si futbollist. E ardhmja e Cristiano Ronaldo Jr. mbetet e hapur.