Edi Rama zhvilloi një mbledhje prej disa orësh me grupin parlamentar të Partisë Socialiste, ku u theksua se procesi i negociatave të Shqipërisë me Bashkimin Europian ka hyrë në fazë vendimtare.
I ftuar në emisionin “News Line” të ABC News, analisti Frrok Çupi deklaroi se institucionet funksionojnë në kushte normale dhe se vendi ndodhet para një angazhimi të paprecedentë për mbylljen e grup-kapitujve deri në vitin 2027.
Sipas tij, roli i Parlamentit është kyç në përafrimin e legjislacionit me atë të BE-së. Procesi kërkon angazhim gjithëpërfshirës dhe durim politik në një moment historik për integrimin europian të Shqipërisë.
Çupi u shpreh se “është një tërmet për pjesën e angazhimit”, që ndodh për herë të parë në vend, dhe se kryeministri ka paralajmëruar mbledhje të përsëritura për afrimin e legjislacionit. Parlamenti mban barrën legjislative dhe përgjegjësinë morale për të hapur rrugë luftës kundër së keqes.
Ai akuzoi opozitën se është “e destinuar dhe e angazhuar që do të prishë punën e Bashkimit Europian”, duke e cilësuar si “karikaturë e dëmshme” që nga origjina ka pengesat ndaj negociatave. Sipas Çupit, Bashkimi Europian i ka mbyllur hesapet me opozitën shqiptare, ndërsa mazhoranca duhet të sillet sikur opozita është faktor për të destabilizuar pengesat, çka kërkon durim dhe kulturë politike.