Departamenti Amerikan i Shtetit (DASH) e ka falënderuar Qeverinë e Kosovës për vendimin e marrë më 20 prill në Prishtinë, me të cilin Gardën Revolucionare Islamike të Iranit (IRGC) u shpall organizatë terroriste në territorin e Kosovës.
Ky vendim u mor gjatë një mbledhjeje qeveritare dhe synon forcimin e bazës ligjore dhe strategjike të Kosovës në luftën kundër terrorizmit, si dhe mbrojtjen e sigurisë ndërkombëtare, vlerave demokratike dhe të drejtave të njeriut.
Kryeministri Albin Kurti deklaroi se ky hap paraqet rreshtim të qartë të Kosovës përkrah aleatëve strategjikë në luftën e përbashkët kundër terrorizmit. Ai theksoi se IRGC përdor terrorizmin dhe dhunën e organizuar si instrument të politikës së jashtme, duke kontribuar në destabilizimin rajonal dhe global.
Byroja për Kundërterrorizëm e DASH-it e cilësoi vendimin si sinjal të fortë në luftën ndërkombëtare kundër terrorizmit. Në një postim në platformën X më 23 prill 2026, thuhet: “Faleminderit Kosovës për qëndrimin kundër terrorizmit dhe për shpalljen e IRGC-së si organizatë terroriste.”