Stiven Shpendi, sulmuesi shqiptar i Empolit në Serinë B, ka pësuar një dëmtim muskulor në kofshë gjatë stërvitjes së fundit para ndeshjes.
Ai nuk u pa as në fushë, as në pankinë në takimin e Empolit në transfertë ndaj Katanxaros.
Ky sezon, Shpendi ka shënuar 10 gola dhe ka dhënë 1 asist me fanellën e Empolit. Në katër ndeshjet e fundit të tij në Serinë B, ai kishte realizuar 4 gola e 1 asist, duke kaluar një formë të shkëlqyer.
Sulmuesi shqiptar shpresonte të merrte ftesë nga trajneri i Kombëtares, Silvinjo, për ndeshjet e muajit mars të Shqipërisë në play-off të Botërorit. Dëmtimi ndalon përkohësisht vrullin e tij.