Departamenti i Shtetit i SHBA-së njoftoi se që nga fillimi i luftës në Lindjen e Mesme, gati 24 mijë qytetarë amerikanë janë kthyer në Shtetet e Bashkuara.
Ndihmës Sekretari i Shtetit për Çështjet Publike Globale, Dylan Johnson, deklaroi se disa fluturime kanë kthyer në mënyrë të sigurt qindra amerikanë në SHBA, ndërsa fluturime të tjera planifikohen gjatë ditëve në vijim, sipas kushteve të sigurisë.
Johnson shton se shifra prej 24 mijë nuk përfshin amerikanët që janë zhvendosur në vende të tjera ose ndodhen aktualisht në tranzit.
Më herët, Donald Trump tha se mijëra amerikanë po zhvendosen "në heshtje, por pa probleme" nga Lindja e Mesme.
Konflikti ka hyrë në ditën e shtatë, sipas raportimeve.