Deputetët e Partisë Demokratike Albana Vokshi, Flamur Noka, Elda Hoti, Fidel Kreka dhe Klevis Balliu kanë paraqitur padi në Gjykatën Administrative të Tiranës. Ata kërkojnë shfuqizimin e vendimit të Komisionit të Etikës në Parlament, i cili i përjashtoi për një afat prej gati dy muajsh nga punimet e Kuvendit.
Vendimi u mor për sjellje të mëparshme gjatë seancave plenare. Deputetët e PD-së janë përjashtuar disa herë në legjislaturën aktuale për:
- flakadana;
- prishje të seancës;
- përplasje me oficerët e Gardës;
- hedhje të sendeve në drejtim të kryetarit të Kuvendit.
Sipas burimeve, kjo është hera e parë që deputetët e PD-së i drejtohen gjykatës administrative pas një ndëshkimi të tillë nga Kuvendi. Padia synon të anulojë efektet e përjashtimit, i cili ka penguar pjesëmarrjen e tyre në punimet parlamentare.