Deputetët e Partisë Demokratike të Kosovës (PDK) kanë ndërmarrë një aksion simbolik duke bllokuar hyrjet e ndërtesës së Qeverisë së Kosovës. Ky veprim vjen si kundërshtim ndaj qëndrimit të Albin Kurtit në zyrën e kryeministrit, pas marrjes së mandatit të deputetit nga ana e tij.
Deputeti i PDK-së, Enver Hoxhaj, përmes një videoje të publikuar nga vendi i ngjarjes, i është drejtuar Kurtit me thirrjen: “Dil nga zyra, o deputet uzurpues!”. PDK-ja pretendon se ushtrimi i detyrës së kryeministrit nga ana e Kurtit, pas sigurimit të mandatit të deputetit, përbën uzurpim të institucionit.
Krahas kërkesës për lirim të menjëhershëm të zyrës, PDK-ja ka theksuar nevojën për thirrjen e seancës konstituive të Kuvendit nga deputeti më i vjetër, Avni Dehari.