Deputeti i Partisë Socialiste, Klevis Jahaj, është paraqitur këtë të premte në ambientet e Prokurorisë së Posaçme kundër Korrupsionit dhe Krimit të Organizuar (SPAK).
Ende nuk ka informacione zyrtare mbi arsyen e thirrjes së tij nga organi i akuzës, ndërkohë që kjo lëvizje ka nxitur spekulime të ndryshme. Burime pranë institucionit bënë të ditur se vizita mund të lidhet me hetime të mëparshme, megjithatë nuk janë dhënë detaje konkrete.
Klevis Jahaj është larguar nga ambientet e prokurorisë pa dhënë asnjë deklaratë për gazetarët e pranishëm. Paraqitja e tij vjen pas një serie thirrjesh të zyrtarëve dhe deputetëve të tjerë në kuadër të hetimeve që po zhvillon SPAK.
Përditësime
Deputeti socialist i qarkut të Fierit, Klevis Jahaj, është paraqitur sot në ambientet e Prokurorisë së Posaçme (SPAK). Burime zyrtare konfirmuan se prania e tij lidhet me procedurat hetimore në vijim.