BBC ka siguruar dëshmi të reja nga banorët e Teheranit në ditën e pestë të sulmeve të SHBA dhe Izraelit mbi Iran.
Dy persona kanë rrëfyer për atë që ndodh në terren. Një burrë në të 30-at shkruan: “Ende i dëgjoj shpërthimet. Nuk jam i sigurt nëse janë të vërteta apo thjeshtë më oshëtijnë në vesh alarmet dhe shpërthimet e mëparshme”.
Një banor tjetër shprehet: “Nuk jam më i lumtur me mundësinë e ndryshimit të regjimit. Thjesht i lodhur. Dhe i hutuar se çfarë mund të ndodhë. Numërova 30 shpërthime sot (të martën). Po përkeqësohet gjithnjë e më shumë çdo ditë. Sot tymi mbushi ajrin brenda shtëpisë sonë. Cili mendoni se do të jetë fundi i kësaj? Kur do të mbarojë? Unë dua vetëm begati. Dhe paqe, për të gjithë ne. Është e frikshme. Vërtet e frikshme”.
Këto rrëfime pasqyrojnë situatën në kryeqytetin iranian sipas burimeve të BBC-së.