Një kamion u përfshi nga flakët në rrugën e Bypass-it të Vlorës gjatë ditës së sotme. Ngjarja ndodhi teksa mjeti ishte në lëvizje dhe u shkrumbua pothuajse plotësisht.
Drejtuesi i kamionit arriti të dalë në kohë nga kabina dhe nuk pësoi lëndime. Sipas burimeve nga Policia e Vlorës, nuk kishte të lënduar.
Në vendngjarje mbërritën forcat zjarrfikëse, të cilat ndërhynë për të shuar flakët. Krahas tyre, policia kryente verifikimet fillestare. Pavarësisht ndërhyrjes, kamioni pësoi dëme të mëdha materiale.
Paraprakisht dyshohet se zjarri u shkaktua nga një defekt në motor ose një shkëndijë elektrike në atë pjesë. Autoritetet po vazhdojnë verifikimet për të përcaktuar shkaqet e plota.
Policia po dokumenton rastin për hetime të mëtejshme.