Për të 39-ën ditë me radhë, qytetarët janë mbledhur në sheshin Skënderbej në një tubim proteste. Organizimi ka filluar rreth orës 19:00, ku pjesëmarrësit me pankarta dhe flamuj kuqezi kanë bërë thirrje për ndryshim dhe dorëheqjen e kryeministrit Edi Rama.
Pas grumbullimit, qytetarët pritet të zhvillojnë një marshim drejt godinës së Kryeministrisë, ku do të mbahen edhe fjalime. Më pas, është parashikuar që protesta të vijojë përmes një marshimi në rrugët kryesore të kryeqytetit.
Kjo lëvizje ka tërhequr vëmendjen e mediave kombëtare dhe atyre ndërkombëtare, të cilat i kanë kushtuar hapësirë zhvillimeve të ditëve të fundit. Protesta vazhdon të ruajë agjendën e saj të përditshme.
Përditësime
Në ditën e 39-të të protestës, qytetarët kanë nisur marshimin nëpër rrugët e Tiranës, pas përfundimit të fjalimeve në bulevardin kryesor.