Duke nisur nga mëngjesi i së hënës, 11 maj, dogana greke e Mavromatit në pikën kufitare të Qafë Botës ka njoftuar zgjatjen e orarit të shërbimit për kalimin e qytetarëve dhe automjeteve.
Sipas njoftimit zyrtar, pika kufitare do të jetë e hapur nga ora 05:00 deri në 23:00 me orën shqiptare, që korrespondon me orën 06:00 deri në 24:00 me orën greke.
Ky ndryshim pritet të lehtësojë lëvizjen e banorëve të jugut të Shqipërisë, emigrantëve dhe turistëve që kalojnë drejt Greqisë dhe anasjelltas. Ai ndikon veçanërisht gjatë sezonit veror dhe ditëve festive, kur fluksi i kalimeve rritet.
Zgjatja e orarit synon uljen e radhëve dhe përmirësimin e qarkullimit në momentet e pikut në këtë pikë të rëndësishme kufitare.
Përditësime
Dogana greke sqaron se më parë pikën kufitare e Qafë Botës funksiononte nga ora 07:00 deri në 20:00, sipas orës greke.