Presidenti i Shteteve të Bashkuara, Donald Trump, ka njoftuar zyrtarisht emërimin e Tom Barrack në rolin e të dërguarit të posaçëm presidencial për Sirinë dhe Irakun. Vendimi është bërë i ditur përmes një njoftimi ku kreu i Shtëpisë së Bardhë vlerësoi përvojën dhe kontributin e Barrack në mbrojtjen e interesave amerikane në rajon.
Sipas njoftimit zyrtar, Tom Barrack do të vazhdojë të ushtrojë detyrën e ambasadorit të SHBA-së në Turqi, duke kombinuar postin diplomatik me përgjegjësitë e reja. Në ushtrimin e këtyre kompetencave, ai do të punojë në koordinim të ngushtë me Departamentin Amerikan të Shtetit.
Në deklaratën e tij, presidenti Trump theksoi se administrata e tij synon thellimin e bashkëpunimit strategjik me Sirinë dhe Irakun. Ai vlerësoi punën e Barrack në ndërtimin e partneriteteve në Lindjen e Mesme, duke shtuar se marrëdhëniet me të dy vendet po forcohen vazhdimisht. Emërimi shihet si një hap për të ruajtur ndikimin amerikan dhe për të zhvilluar bashkëpunimin në fusha të ndryshme me partnerët rajonalë.