Presidenti i Shteteve të Bashkuara, Donald Trump, ka deklaruar se Irani po ofron lëshime të rëndësishme në kuadër të negociatave mes dy vendeve. Komentet u bënë gjatë një prononcimi për gazetarët në Kapitol.
Duke vlerësuar ecurinë e procesit, Trump u shpreh optimist për zhvillimet aktuale. "Lufta po shkon shumë mirë. Siç e dini, ne po fitojmë me shumë diferencë. Irani po bën lëshime shumë të mëdha", tha presidenti amerikan.
Në lidhje me vijimësinë e procesit, Trump shtoi: "Do të shohim se çfarë do të ndodhë, por ka qenë shumë, shumë, shumë e fuqishme". Palët pritet të vazhdojnë bisedimet diplomatike gjatë javës së ardhshme.