Presidenti i Shteteve të Bashkuara, Donald Trump, është shprehur besimplotë se SHBA-ja do të dalë fituese nga konflikti me Iranin në një kohë të shkurtër. Gjatë prezantimit të një platforme federale të fuqizuar nga Inteligjenca Artificiale në Uashington, D.C., kreu i Shtëpisë së Bardhë theksoi se fitorja po arrihet falë presionit ekonomik dhe veprimeve ushtarake, ndërsa rikonfirmoi vendosmërinë se Irani nuk do të zotërojë kurrë armë bërthamore.
Në një prononcim tjetër, presidenti Trump bëri të ditur se zyrtarët amerikanë kanë zhvilluar bisedime me ndërmjetës të Iranit, duke theksuar se fitorja do të arrihet "në një mënyrë ose në një tjetër". Si pasojë e menjëhershme e deklaratave të presidentit për fundin e këtij konflikti, tregjet kanë konfirmuar një rënie të ndjeshme të çmimeve të naftës dhe benzinës, ashtu siç ishte parashikuar nga administrata amerikane.
Krahas zhvillimeve mbi konfliktin me Iranin, presidenti Trump komentoi edhe çështje të sigurisë ndërkombëtare, duke u ndalur te zhvillimet në Britani. Ai shprehu habinë lidhur me lirimin e personave të dyshuar për incidentin e Fairford, duke pohuar se, nëse do të kishte qenë në dorën e tij, ata nuk do të ishin lënë të lirë.
Përditësime
Presidenti Donald Trump konfirmoi se Irani nuk do të pajiset kurrë me armë bërthamore dhe njoftoi rënien e çmimeve të naftës.