Pak minuta para nisjes së protestës së thirrur nga Partia Demokratike, drejtori i Policisë së Shtetit, Skënder Hitaj, ka zbritur personalisht në Bulevardin Dëshmorët e Kombit, ku pritet të mblidhen mbështetësit e opozitës për marshimin.
Gjatë inspektimit të masave të marra për mbarëvajtjen e tubimit, Hitaj i është drejtuar grupit të menaxhimit të shërbimeve policore të angazhuara, duke u kërkuar atyre të ruajnë qetësinë dhe të tregojnë profesionalizëm në garantimin e rendit dhe sigurisë publike.
Protesta e PD-së pritet të nisë në orën 19:00. Tubimi do të zhvillohet në formën e një marshimi dhe nuk do të ketë fjalime nga udhëheqësit e opozitës.