Drita, kampione në fuqi, fitoi 1-0 ndaj Prishtinës në derbin e javës së 31-të të Superligës së Kosovës të mërkurën pasdite. Ky sukses e afron ekipin gjilanas drejt mbrojtjes së titullit.
Pjesa e parë u mbyll pa gola, pavarësisht rasteve të krijuara nga të dy skuadrat. Portierët Faton Maloku i Dritës dhe Altin Gjoka i Prishtinës u dalluan, ndërsa rastet më të mira i patën Besnik Krasniqi dhe Gjelbrim Taipi.
Në pjesën e dytë, Prishtina ishte më kërkuese dhe krijoi mundësi të mira, me Valmir Veliun që goditi shtyllën. Megjithatë, Drita përfitoi në minutën e 83-të, kur Liridon Balaj asistoi për Blerim Krasniqin, i cili shënoi nga afërsia.
Pas fitoreje, Drita kryeson tabelën me 60 pikë dhe ka një ndeshje më shumë se Ballkani në vendin e dytë me 52 pikë. Prishtina mbetet e katërt me 45 pikë, katër pikë larg Malishevës së tretë me 49 pikë pas suksesit 3-1 ndaj Gjilanit. Për Prishtinën ishte humbja e parë pas katër barazimesh rresht.
Në Superligën e Kosovës kanë mbetur pesë xhiro. Pozita e tretë siguron kualifikim në Ligën e Konferencës për edicionin e ardhshëm.