Fidan Peci, 27 vjeç, dhe Ardian Avdyli, 21 vjeç, dy të rinj nga Mitrovica, humbën jetën në një aksident të rëndë trafiku në Itali më 27 shkurt.
Kryetari i Komunës së Mitrovicës, Faton Peci, shprehu ngushëllimet më të sinqerta për familjet Peci dhe Avdyli, miqtë dhe të gjithë ata që i njihnin të rinjtë.
Në deklaratën e tij, ai shkroi: > “Me pikëllim të thellë mora lajmin për humbjen tragjike të dy të rinjve mitrovicas, Fidan Peci (27 vjeç) dhe Ardian Avdyli (21 vjeç), të cilët humbën jetën në një aksident të rëndë trafiku në Itali. Në emrin tim personal dhe në emër të Komunës së Mitrovicës, ju shpreh ngushëllimet më të sinqerta familjeve Peci dhe Avdyli, miqve dhe të gjithë atyre që i njohën. Humbja e jetëve të reja është dhimbje e madhe për familjet, por edhe për mbarë qytetin tonë dhe Kosovën. Në këto momente të rënda, jemi pranë jush me mendje dhe zemër, duke ndarë dhimbjen dhe lutjet tona për shpirtin e tyre.”