Të shtëna me armë zjarri u regjistruan të hënën në Nice të Francës, ku dy persona humbën jetën dhe tre të tjerë mbetën të plagosur.
Ngjarja ndodhi në perëndim të qytetit, në sheshin qendror të një lagjeje, vetëm tre ditë pas dy incidenteve të ngjashme në të njëjtën zonë. Sipas zyrës së prokurorit dhe mediave franceze, dy persona që ndodheshin në një automjet hapën zjarr dhe më pas u larguan me shpejtësi nga vendi i ngjarjes.
Kryetari i bashkisë Éric Ciotti reagoi menjëherë, duke e cilësuar incidentin si sulm të armatosur “të tmerrshëm”. Ai shprehu shqetësim për situatën e sigurisë në qytet.
Autoritetet lokale reaguan shpejt, me forca të shumta policore në terren. Hetimet intensive janë nisur për identifikimin dhe arrestimin e autorëve.
Raportimet fillestare tregojnë se tre të plagosurit ndodhen në gjendje kritike për jetën, ndërsa disa persona të tjerë kanë pësuar lëndime më të lehta dhe po trajtohen në spitalet e qytetit.
Përditësime
Autoritetet e Nicës mbyllën përkohësisht të gjitha shkollat në lagjen Moulins për arsye sigurie.