Një ngjarje e rëndë ka ndodhur gjatë orëve të natës në qytetin e Vlorës, ku një grua ka humbur jetën pas rënies nga lartësia e godinës së spitalit. Sipas të dhënave paraprake, viktima ishte e shtruar në repartin e kirurgjisë dhe dyshohet se është vetëhedhur nga kati i tretë i godinës.
E moshuara, me origjinë nga Borshi, pavarësisht ndërhyrjes së shpejtë të stafit mjekësor, nuk ka mundur të mbijetojë për shkak të plagëve të marra. Në momentin e ngjarjes, raportohet se gruaja shoqërohej nga familjarë të saj.
Policia e Vlorës ka nisur menjëherë verifikimet dhe procedurat hetimore për të zbardhur shkaqet dhe rrethanat në të cilat ndodhi kjo ngjarje tragjike.