Edi Kuçi, ish-banor i Big Brother VIP Kosova, ka reaguar në rrjete sociale ndaj afrimitetit të banores aktuale Dolce me banorin e ri Limi.
Në një postim, ai ka paralajmëruar se nesër do të flasë hapur për raportin e tij me Dolcen, duke premtuar të zbardhë versionin e plotë të historisë. “Ky është një paralajmërim për të gjithë ata që kanë qenë kureshtarë ndaj kësaj ‘lidhjeje’. Ata që më njohin, e dinë kush jam”, ka shkruar Kuçi.
Afrimiteti i Dolces me Limin ka ndodhur menjëherë pas hyrjes së këtij të fundit në shtëpi, duke ndryshuar sjelljen e saj dhe duke tërhequr komente të shumta në rrjete. Edi Kuçi e ka cilësuar Dolcen si “mendjelehtë”, një koment që ka nxitur polemika të reja rreth marrëdhënieve brenda emisionit.
Mbetet për t’u parë çfarë detajesh të reja do të zbulojë ai nesër.