Kryeministri Edi Rama ka uruar besimtarët ortodoksë për festën e Pashkës Ortodokse më 12 prill 2026. Përmes një postimi në rrjete sociale, ai shkroi: “Mirëmëngjes dhe në këtë mëngjes të bekuar ju uroj Gëzuar Pashkën Ortodokse”.
Mesazhi u shoqërua me një foto simbolike të kryqit. Më herët, në prag të festës, Rama ndau një imazh familjare me vezët e kuqe, simbol të kësaj dite të shenjtë.
Në të gjithë vendin, besimtarët ortodoksë kremtuan në mesnatë ngjalljen e Krishtit përmes meshës së Pashkës, një nga momentet kryesore të kalendarit liturgjik. Mbrëmë, më 11 prill, ata morën pjesë në procesionin e Epitafit të shenjtë, duke ndezur qirinj dhe duke u lutur për ngjarjet e Pasionit të Krishtit.
Kjo festë simbolizon ringjalljen e Jezusit të Nazaretit tri ditë pas kryqëzimit, duke përfaqësuar rilindjen e shpresës, forcimin e besimit dhe triumfin e jetës mbi vdekjen. Vezët e kuqe shërbejnë si simbol kryesor i kësaj feste.
Përditësime
Kryeministri Edi Rama ndau pamje nga mesha e mesnatës në kishën e Shën Harallambit në Dhërmi. Besimtarët ndezën qirinj dhe shqiptuan urimin "Krishti u ngjall, vërtet u ngjall". Në mesnatë shpërthyen fishekzjarre, ndërsa një shfaqje me dronë ndriçoi qiellin mbi Dhërmi.