E ardhmja e Edon Zhegrovës te Juventusi është bërë e pasigurt, pasi trajneri Luciano Spalletti nuk e konsideron atë pjesë të planeve të skuadrës. Gazetari italian Mirko Di Natale ka konfirmuar se vendimi për përjashtimin e lojtarit është marrë në bashkëpunim nga stafi teknik dhe drejtuesit e klubit.
Zhegrova është lënë jashtë listës për kompeticionet evropiane dhe rrezikon seriozisht të mos përfshihet as në listën për ndeshjet e Serie A. Raportohet se kjo situatë është lidhur edhe me qëndrimin e lojtarit Nico González në Torino. Sipas raportimeve, Zhegrova e ka përjetuar vështirë vendimin për lënien jashtë listave.
Klubi italian synon shitjen e përhershme të 27-vjeçarit dhe nuk dëshiron të ndërmarrë huazime. Çmimi minimal i kërkuar për kartonin e tij është 15 milionë euro, shifër e cila mund të shtohet nëpërmjet bonuseve. Pasi afati kalimtar është mbyllur në shumicën e ligave evropiane, Juventusi shpreson të gjejë një blerës në tregun e Turqisë ose të Arabisë Saudite, ku dritarja e transferimeve mbetet ende e hapur. Ndër destinacionet e mundshme është përmendur klubi saudit Al-Ittihad.
Përditësime
Al-Ittihad ka tërhequr zyrtarisht interesimin për transferimin e Edon Zhegrovës. Gazetari Fabrizio Romano konfirmoi se bisedimet me klubin saudit kanë dështuar. Rrjedhimisht, Zhegrova do të mbetet pjesë e Juventusit të paktën deri në afatin kalimtar të janarit.