Analisti Eduard Zaloshnja ka publikuar një studim mbi efikasitetin e sulmuesve profesionistë që janë ende në aktivitet. Vlerësimi bazohet në mesataren e golave dhe pasimeve për gol (asisteve) për ndeshje, duke përfshirë vetëm futbollistët që kanë regjistruar të paktën 190 ndeshje në karrierën e tyre.
Sipas të dhënave të analizuara, renditja e efikasitetit është si vijon:
• Lionel Mesi: 1.16
• Kilian Mbape: 1.07
• Erling Haland: 0.98
• Kristiano Ronaldo: 0.95
• Harri Kejn: 0.88
• Mohamed Salah: 0.75
• Jamal: 0.71
Ndonëse Jamal renditet i fundit në këtë listë, analiza nënvizon se ai i ka arritur këto shifra para moshës 19-vjeçare (i mbushi më 13 qershor). Vetëm Mbape ka treguar një ecuri të përafërt në atë moshë, ndërsa të tjerët kanë qenë larg këtyre shifrave në të njëjtën periudhë të karrierës.
Sipas autorit, duke marrë parasysh moshën dhe performancën, Mbape, Haland dhe Jamal janë të vetmit që mbeten në garë për të arritur nivelet më të larta të këtij sporti, ku aktualisht qëndron Mesi.