Ekipi i futbollit të femrave të Iranit refuzoi të këndonte himnin kombëtar para ndeshjes hapëse të Kupës së Azisë në Australi të hënën. Të gjitha lojtaret heshtën gjatë ekzekutimit të himnit në stadiumin Gold Coast në Queensland, para fillimit të ndeshjes së Grupit A kundër Koresë së Jugut, e cila fitoi 3-0.
Irani shpalli më 1 mars 40 ditë zi për vrasjen e udhëheqësit suprem Ajatollah Ali Khamenei, pas një sulmi të koordinuar Izrael-SHBA. Kjo ishte ndeshja e parë e ekipit iranian që nga fillimi i luftës në Lindjen e Mesme.
Trajnerja Marziyeh Jafari dhe lojtaret refuzuan të jepnin komente për luftën apo vdekjen e udhëheqësit suprem. Ekipi mbërriti në Australi disa ditë para se të fillonin sulmet ajrore në rajon.
Iranianet do të përballen me kombëtaren pritëse Australi të enjten dhe më pas me Filipinet të dielën në ndeshjen e tretë të fazës së grupeve.
Përditësime
Amy Sayer, mesfushore e ekipit australian të femrave, lavdëroi kurajon e futbollisteve iraniane dhe shprehu mbështetje për to.
Sipas The Guardian, skuadra australiane mbajti heshtje për refuzimin e himnit nga iranianet.
Ka dyshime për pjesëmarrjen e skuadrës meshkujve të Iranit në Botërorin e futbollit.