Në supersfidën e javës së 33-të të Kategorisë Superiore, Elbasani arriti një fitore të rëndësishme ndaj Vllaznisë me rezultatin 3-1, në ndeshjen e luajtur në Elbasan Arena.
Verdheblutë kaluan në avantazh në minutën 22’ me golin e Blaise-s. Shkodranët u përpoqën të barazonin, por në minutën 39’ Lajthia dyfishoi shifrat.
Ekipi i Edi Martinit rihapi sfidën në minutën 73’ me golin e Qato-s, mirëpo shpresa u shua katër minuta më vonë, kur Lajthia shënoi golin e tretë dhe të dytin personal për Elbasanin.
Kjo fitore e ngjiti Elbasanin në krye të renditjes me 62 pikë, dy pikë më shumë se Vllaznia.