Emilja Rexhepi, deputete boshnjake në Kuvendin e Kosovës, deklaroi se do të votojë çdo kandidat për president të propozuar nga kryeministri Albin Kurti.
Ajo theksoi se mbështetja e saj do të jetë për cilindo emër të propozuar nga lideri i Lëvizjes Vetëvendosje. "Do të votoj për kandidatin e propozuar nga kryeministri Kurti", u shpreh Rexhepi për FrontOnline.
Sipas saj, kanë mbetur 6 ditë deri në afatin ligjor për propozimin e kandidatit për president. Grupi multietnik, i cili përbëhet nga 9 deputetë, ka rol vendimtar në këtë proces.
Rexhepi nënvizoi se Lëvizja Vetëvendosje posedon 57 vota në Kuvend. "VV-ja ka 57 vota. Ne nga grupi multietnik jemi 9. Pa ne është e pamundur që të zgjidhet ndonjë kandidat tjetër", deklaroi ajo.
Ky proces zhvillohet në kontekstin e nevojës për konsensus për zgjedhjen e presidentit të ri të Kosovës.